Montevidéu

Editar los enllaces
Coordenaes: 34°52′00″S 56°10′00″W / 34.8667°S 56.1667°O / -34.8667; -56.1667
De Wikipedia
Montevidéu
Alministración
PaísBandera de Uruguái Uruguái
Departamentu Departamentu de Montevidéu
Tipu d'entidá división alministrativa
Cabezaleru/a del gobiernu Carolina Cosse
Nome oficial San Felipe y Santiago de Montevideo (es)
Nome llocal San Felipe y Santiago de Montevideo (es)
Códigu postal 11000–12000
Xeografía
Coordenaes 34°52′00″S 56°10′00″W / 34.8667°S 56.1667°O / -34.8667; -56.1667
Montevidéu alcuéntrase n'Uruguái
Montevidéu
Montevidéu
Montevidéu (Uruguái)
Superficie 730 km²
Altitú 43 m
Demografía
Población 1 319 108 hab. (2011)
Porcentaxe 78.51% de Departamentu de Montevidéu
38.3% de Uruguái
Densidá 1807 hab/km²
Más información
Fundación 24 avientu 1726
Prefixu telefónicu 2
Estaya horaria America/Montevideo (es) Traducir
Llocalidaes hermaniaes
montevideo.gub.uy
Cambiar los datos en Wikidata

Montevidéu (castellanu: Montevideo)[1] ye la ciudá capital d'Uruguái. Ye la mayor del país, con una población de 1.319.108 habitantes (2011), cuasi un terciu del total de la del país, que se reparten per una estensión de 201 km², dividíos en ocho conceyos y 62 barrios. Ye la capital más meridional d'América, y asítiase na costa meridional del país, na oriella izquierda del Ríu de la Plata, nuna badea que forma un puertu natural, de gran puxu económicu y perimportante pa la economía del país.

Portugal estableció una guarnición nel llugar qu'anguaño ocupa la ciudá en payares de 1723. La guarnición foi espulsada en febreru de 1724 pol soldáu español Bruno Mauricio de Zabala, nel contestu de la disputa hispano-portuguesa pol control de la rexón del Ríu de la Plata. Nun hai documentu dengún que dé cuenta de la fundación de la ciudá, pero'l Diario de Zabala menciona oficialmente la fecha de 24 d'avientu de 1726 como la de fundación, y tamién que foi corroborada por testigos presenciales. La independencia completa de Buenos Aires como una ciudá autónoma nun s'algamó, sicasí, hasta'l 1 de xineru de 1730. Foi ocupada polos ingleses demientres seis meses, en 1807, y ye, de magar la independencia del Uruguái en 1825, la capital del país.

Montevidéu ye la sede alministrativa de los dos principales bloques económicos llatinoamericanos, Mercosur y ALADI, lo que-y da a la ciudá un papel asemeyáu al de la de Bruxeles n'Europa[2].

L'informe Mercer sobre calidá de vida de 2019 consideró a Montevidéu como la primera d'América Llatina[3], una posición que caltién de forma continuada de magar 2005[4][5][6][7][8]. La so economía ye la 19ª mayor del continente[9], y la so renta per cápita prevista pa 2022 yera de 30.148 dólares estauxunidenses[10]. Foi clasificada en 2018 como una ciudá global beta, la octava más importante d'América Llatina y la 84ª del mundu[11].

La ciudá conservó la so arquitectura europea[12], y ye considerada una de les del mundu cola mayor influyencia art decó[13]. Ye'l centru comercial y educativu del país, el so puertu principal y el centru financieru, amás d'exercer de centru cultural y de servicios d'un área metropolitana de alredor de dos millones d'habitantes.

Referencies[editar | editar la fonte]

  1. ↑ (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
  2. ↑ «Google Earth Montevideo Map». One World – Nations Online Project. Archiváu dende l'orixinal, el 28 March 2015. Consultáu'l 5 March 2015.
  3. ↑ «2019 Quality of Living Survey». Mercer. Archiváu dende l'orixinal, el 18 April 2018. Consultáu'l 18 April 2019.
  4. ↑ «Quality of Living Worldwide City Rankings Survey». Mercer. Archiváu dende l'orixinal, el 3 December 2013. Consultáu'l 24 February 2014.
  5. ↑ Gainza, Patricia P.. «CIUDADES LATINOAMERICANAS EN EL ÍNDICE DE CALIDAD DE VIDA». Archiváu dende l'orixinal, el 29 November 2009. Consultáu'l 17 November 2009.
  6. ↑ «Diario EL PAIS – Montevideo – Uruguay». Archiváu dende l'orixinal, el 24 February 2021. Consultáu'l 13 September 2021.
  7. ↑ «The 8 Smartest Cities in Latin America» (3 December 2013). Archiváu dende l'orixinal, el 6 December 2013. Consultáu'l 24 February 2014.
  8. ↑ «Quality of Living City Ranking | Mercer». Archiváu dende l'orixinal, el 18 April 2018. Consultáu'l 18 April 2020.
  9. ↑ «Archived copy». Archiváu dende l'orixinal, el 23 December 2019. Consultáu'l 19 June 2020.
  10. ↑ (((61/33)^(1/15))^12)*33 and (((33/21)^(1/15))^12)*21.
  11. ↑ «The World According to GaWC 2018». Geography Department, Ghent University.. Archiváu dende l'orixinal, el 3 May 2017. Consultáu'l 5 January 2019.
  12. ↑ «La arquitectura de Montevideo | Escuela de Verano». Archiváu dende l'orixinal, el 27 October 2021. Consultáu'l 2023-10-08.
  13. ↑ Trinidad, Adriana (2020-08-26). «Montevideo: La capital del estilo Art Decó» (castellanu). Archiváu dende l'orixinal, el 11 October 2023. Consultáu'l 2023-10-08.

Enllaces esternos[editar | editar la fonte]


Sacáu de «https://ast.wikipedia.org/w/index.php?title=Montevidéu&oldid=4195910»